أسامه أبوالعنين
السلام عليكم أهلي و ناسي وأحبابي بجميع أنحاء مصر
محدثكم نقيب شرطه “محمد أشرف شلبي” ضابط وحدة بحث قسم جرجا سوهاج
بعد إذن حضراتكم، أتحدث إليكم كإبن و أخ لكم جميعآ إحنا فعلاً في معركة شرسة و صعبه جداً و مش سهله محتاجين نفوق شويه و ندخل مرحله الوعي الكامل و الإدراك الفعلي للموضوع وبلاش السلبيه و اللاوعي وبلاش تشوف غيرك بيعمل الغلط و انت تعمل زيه مش مجال للضحك والهزار لازم نتحمل المسئوليه و نراعي أن البلد حالياً في حالة حرب ضد الفيروس اللعين و ضد الإرهاب من الفئه المنحرفه عن مجتمعنا بإسم الدين و جماعات محظورة و خلافه بس نحمد ربنا على المرحلة اللي وصلنا لها لحد دلوقتي
ومننساش دور الأطباء والممرضين الله يكون في عونهم هما دول الابطال الحقيقيون اللي بيواجهوا بكل شجاعة خطر العدوي و مافيش طبيب بيبخل بأي حاجه يقدر يقدمها و لو تحدثنا عن فطرتنا كمصريين إن أي طبيب حالياً خايف علي نفسه وبيته و أهله و أصحابه و ناسه منعاً للمقارنه بالسابق ننسى ما سبق و نفكر بما نحن به الان مافيش دكتور طالع يتكلم مع حضراتكم من أجل شهره حالياً ثانياً بعد أطباء مصر ضباط الشرطه المخلصين الشرفاء أقسم بالله العظيم أول شهر يعدي عليا في شغلي أكون مضغوط بهذا الشكل
شعور بالخوف شعور بالكسل إني أنزل أقوم بدوري لا متنزلش ممكن يتنقل لك المرض
لكن في النهايه لازم أنزل وأقوم بواجبي بس ياريت يا جماعه فعلاً نلتمس لضباط الشرطة العذر لأن فعلياً هم يعملون تحت ضغط نفسي و عصبي غير طبيعي لأن القله او الفئه الإجرامية الموجودة في مجتمعنا بتستغل تلك الأوضاع لتمارس نشاطهم الاجرامي
فلا بد من مواجهتهم وبكل حسم و كم كبير جدآ من البلاغات و مشاكل يوميه علينا حلها ومواجهتها لتمكين الأمن والإستقرار
و نرجع تاني للأطباء. للأمانه الناس بتحمل الأطباء والمستشفيات فوق طاقتهم معتقدين أن الدكتور مقصر في عمله. و الله دي إمكانياتهم
وبلاش فكر الكرباج و العصا إن لازم و لابد من رقيب وراك بلاش نوصل لدرجه إن الغرامات هي اللي بتمشينا بلاش توصل بينا الأمور لإتخاذ الإجراءات القانونيه و كلاً منا بينظر للأمر من وجهه نظره فقط أيوا في خسائر ومعاناه ماديه للجميع وتراكم مديونيات بس في النهايه بتحافظ على نفسك وبتكسب بيتك وأولادك وعائلتك..
على فكرة فعلياً مافيش دوله في العالم رئيسها صرح و رفع عن شعبه مثل مصر. يعني لو عندك إستعداد تشوف مراتك أو عيالك أو أبوك أو أمك أو أي شخص من أهلك وهو بيتاخد من إيدك ويتقالك إنساه خلاص مش هتشوفه تاني .. وقتها إتفضل إنزل وإستهتر براحتك وإتعامل مع الموضوع على إنك شبح مفيش منك
ولو شخص واحد لم يلتزم بالتعليمات قد يتسبب بكارثة للجميع..
#ابقي_بالبيت ورجاءً مدوا إيديكم في إيدينا و ساعدونا التزموا ادعموا السلطة التنفيذيه لبلدنا و ادعموا مراكز الشرطه في كل مكان و ادعموا الأطباء في مكان و أي حد في إيده حاجه ما يبخلش بيها من جهد أو مال أو حلول كي نتخطي تلك الأزمه معآ…..
#Covid_19
(إسبوعين بس والقرار ليك)
#stay_safe
#stay_at_home🏠🙂😔
#إبقى_بمنزلك🏠😌☺️
#ساعدونا_من_فضلكم
#ادعموا_اطباء_مصر💉👨⚕️👩🏻⚕️
#ادعموا_القوات_المسلحه⚔️
#ادعموا_الشرطه_المصريه🦅
