“كلمتين_وبس” بقلم/ ريهام طارق

0 143

“بابي محترم ولا بابي حبوب”
طبيعي إبنك يحبك بس عمرك سألت نفسك إبني بيحترمني ولا،
حب الولاد لأهاليهم بيتولد بالفطره،
بمعنى إنت أبويا إذن أنا أحبك،
حتى في وجود مشاكل أو إختلاف في وجهات النظر بينهم،
طيب إنت مهم عندك يحبك ولا يحترمك أكتر ؟؟؟
إجابة السؤال دا هي اللي هتحدد إنت هتربي ولادك إزاي،
إبنك هيحترمك لما يشوفك صاحب مبدأ،
إبنك هيحترمك لما يشوفك مش بتشهد زور،
إبنك هيحترمك لما يشوفك بار بأهلك،
إبنك هيحترمك لما يشوفك مش بتاكل حق إخواتك،
إبنك هيحترمك لما يشوفك بتحترم أمه،
إبنك هيحترمك لما يشوفك بتكافح وبتشتغل بالحلال،
إبنك هيحترمك لما يشوفك بتساعد الضعيف وبتعطف علي المسكين، إبنك هيحترمك لما يشوفك صادق مش بتكدب،
إبنك هيحترمك لما يشوف صحابك صحبه صالحه،
إبنك هيحترمك لما يشوفك بتدخل مواقع ثقافيه ودينيه وإجتماعيه علي مواقع التواصل الإجتماعي مش المواقع الإباحيه،
إبنك هيحترمك لما يشوفك عادل مش ظالم،
لو إبنك إحترمك هتكون له قدوه ومثل أعلي، وساعتها حبك في قلبه هيكون محفور من نور وعمره ما هينتهي ولا هيختفي.

اخبار مشابهة
1 من 31

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

%d مدونون معجبون بهذه: