“إحنا في زمن الكورونا” ترويها دكتوره ناديه نافع

كورونا أعاد الترتيب
دا عادى ودا وضعه مهيب
كورونا هدي حروب
وعمله ألف جروب
كورونا لف العالم
إحتل بحنكة الظالم
كورونا مش فيروس عادى
ده خطة ولعبها ع الهادى
خلى الكل بيرمش
خايف يسرق يهبش
ليكون ف فلوس متكرمش
كورونا رسالة
ماانتوش رجالة تمشوا عمالة
للظالم يوم يبات مظلوم
على كتفه هموم
كورونا دا دعوة
لطفل بربه إستقوى
قال قبل إستشهاده
هيبلغ رب بلاده
عن ظالم زى ألوف
وأديهم وقفوا صفوف
ضاربين كفوف بكفوف
اعرف لكورونا دكتور
على أبوه يا عينى مقهور
فى عزاه مالقاش غير جور
كورونا فيروس ملعون
خلى العاقل مجنون
بيشرب ف كلور وصابون
كورونا دا غفلة
ف معاميع حفلة
إشارة إلهية
لنفس بغية
كورونا أعاد الترتيب
دا عادي ودا وضعه مهيب (دكتورة نادية نافع)