بحلم أكون معاك

0 918

 

الشاعرة – ولاء الدسوقى

بحلم أكون معاك

أنا بس عايزه            أحس بالأمان

واطير معاك لفوق      على جناح اليمام

نسهر مع بعض ليلنا    فى سكون من غير كلام

تشتاق ليا حبيبى       وتلمس إيدى بحنان

تلمس شعرى وتاخدنى    جوه حضنك أنام

فيه حاجات كتير جوايا   عايزه أقولهالك كمان

عايزاك تحب فيا         تملا الدنيا عليا

     حب .. أفراح .. وأمانى

بيدق القلب ليك        ودقاته مش بتخلص

وكل ما يعدى يوم      حبى يزيد مش بينقص

اخبار مشابهة
1 من 6

الدنيا وانت معايا        كلها حب وأمان

بيتفتح فيها ورود       على صوت الكروان

  معاك بحلم              وبحلم أكون معاك

ولما أغمض عيونى     أصحى على وش الملاك

ألمس بإيدى خدك       وأديك حبى

ولا غيرى يسكن قلبك      ولا غيرك يسكن قلبى

حبيبى .. انت كل حاجه    وكل حاجه فيا ليك

أيوه انت حبيبى        وحبى دا قليل عليك 

  أنا بس عايزه           أحس بالأمان

ماتسيبنيش من حضنك ثانيه   خدنى معاك لدنيا تانيه

نكون فيها أنا وانت بس     دنيا حبيبى غير الدنيا

عايزه أسكن قلبك        عايزه أعيش العمر جنبك

عايزه أديك حبى       وانت بس تدينى حبك

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.