فاكر لما أبوك وأبويا كانت كل حياتهم وِد، كانوا بيسمعوا نشرة تسعه ومنبه نومهم يبدأ عد، ولما أذان الفجر يأذن، يمضوا حضورهم فاقرب مسجد، وبعد الفرض يروحوا الأرض، لقمة عيشهم كات من فاسهم، لم أمورهم كات بالشورى، أصل كلامهم كان من راسهم، قبل الفيفا وقبل الكورة، وإحنا بقينا فى زمن النت، بد ل الفاس قاعدين ع الفيس، ننشر ونعلق ونرد، ودا عامل لموبايله فاتوره، ودا مستنى ١٢ تيجى علشان يعنى يعلق بت، فاكر ذاكر واوعى دروسك، فاكر وفر من مصروفك، فاكر أول يوم ف إعدادى، واوعى ياواد تضرب حد، إوعى فلوسك والدخان، اوعى ياواد تروح السيما، واوعى تطاوع يوم شيطان، ولو تسمع من حد شتيمه، أعمل نفسك ما انتاش سامع واوعى ترُد وخليك فاكر.
