هتيجي عليك فترة تحس انك محتاج تقفل على نفسك ألف باب وشباك، هتحس إنك فعلاً محتاج تنعزل، مش حبآ في العزلة على قد ما هي فترة محاسبة شديدة لتقصيرك في حق نفسك، فترة تحب فيها نفسك، فترة تعالج فيها التشتت وإحساسك بالتوهان، لا انت عايز تعرف حاجة عن حد ولا حد يعرف عنك حاجة، لا عايز تسمع ولا تشوف ولا تحس حتى، محتاج تشيل فيشة كل حاجة وتسكت، هتحس إنك محتاج نفسك دي جدآ، محتاج تسمعك وتفهمك وتطبطب عليك انت وبس، هيجي عليك وقت هتكون رافض تماماً الدخول في أي جدال مع حد أو محاولة إقناع حد بفكرة، هو قافل عقله أساساً إنه يستوعبها، هتكره الزحمة، زحمة الافكار، هيجي عليك وقت وتقبل أبسط الحلول مش أهمها، انت مش زعلان من حد ولا واخد موقف من حد، انت زعلان من نفسك، مابقاش في حسبتك إنك تناضل ولا تحارب، كل اللي يهمك إنك تتجاوز، تتجاوز وبس، وبعدها جايز تحاول تسترد نفسك اللي بدأت تضيع وسط المتاهات الكبيرة، هيجي عليك وقت تحتاج فيه “لنفسك” أكتر من أي حد، عارف ليه ؟؟؟ لأنك تستحق السعادة، السعادة وبس… 💕💌💕
